今天人人也走「文青」路線：慢活沖杯咖啡拉拉花、閒時去郊外野餐、學一門手藝陶瓷、甚至隨時隨心出走旅行；我卻覺得明白箇中真理而又實行低碳環保生活的卻不多，今期專訪的主角是徹頭徹尾的第一代「真．文青」－903 DJ 麻利亞Maria。Doll Talk with Molly 名人專訪在Mode時裝美容別册經已出版！ 

 M：Molly E 麻：麻利亞 

M：你在商台好像做了很多年，有10年嗎？算不算是老臣子？

麻：：未有，大概八、九年左右，不算是老臣了，亦唔係自己想像中那麼多年。應該咁講，開咪做節目唔算好多年，但因為之前在其他部門工作過。先是做公關，那時候自己寫信去應徵，結果就請了。中途去了做online，因為那時候online剛剛興起。然後就到了2台。

M：有無想過當年如果沒有入行做DJ，現在的你會做甚麼？

麻：可能在做公關工作例如搞下event、project。

M：你喜歡這類型工作？

麻：是鍾意的，那時的路向都是這樣走。但現在問這一刻的我，又唔會話好鍾意。我唔鍾意event、project製造垃圾，例如press release，press kit。現在我唔會做得到，那時候如果繼續向那個方向走的話，現在應該會繼續在做那份工作。

M：聽你節目覺得你是一個低碳生活的人。

麻：盡量啦，我好鍾意睇《不方便的真相》系列，尤其是那時候有機會參加饑饉三十去柬浦寨，發覺如果你拋垃圾落海，有條魚食咗，就會不停製造出蝴蝶效應。我亞媽以前成日鬧我話：「你成日講低碳，但做又做唔到!」例如返工，你同marketing同事上的交流全部都根本唔係低碳，所以如果自己有能力去做時，例如一頓飯可以十分鐘堂食食得完的話，就打死都不會買外賣，因為買外賣又會製造出一堆垃圾。現在就是從這些細微的方面去做，當然作為一個凡人，仲有好多做唔到，但是時刻都會提醒自己。

M：如果多啲幕前藝人都將這信息帶給讀者，宣揚開去便更好。剛才你話如果當初無做DJ就會做PR、marketing，現階段會否打算開始做一些環保工作？

麻：我諗任何人要做到有影響力，先要做好自己崗位，然後先有說服力，否則就會變成隱世高人。而隱世高人有他們那一套生活態度，但那一套又能否令你信服係比較困難，因為這是一個物質的世界，如果我是一個生活在物質世界的人，而我有那一方面的認知，就變成可以串通一些別人覺得好離地的生活態度和好在地的生活態度先會有連接。當看到你的生活，就會發覺，原來不用刻薄或逼迫自己，都可以志在地活出這一套生活。我也可以選擇歸隱田居在山洞生活，不吃不喝，這樣就最環保，但問題是，在世的那些人不會接觸得到，所以我覺得不會是這個方向。

M：你是很早期寫blog善用社交平台發表分享的潮人，那你又怎樣看現在的social media？有些人會覺得一個like不代表甚麼，其實你怎樣看？某程度上它也直接影響着你這個媒體？

麻：我覺social media就像任何事情一樣有兩面，就好像錢一樣，本身是mutural的，但視乎你用它來做甚麼？你用social media來說出一些可以幫助大家的信息？ 還是純粹建立或鞏固自己的虛榮還是甚麼呢？我知道有好多人覺得我的說話唔啱聽就unlike我，你唔like我又如何？另外現在social media有一個現像，就是當一個人有立場，自然就會出現另一個持相反立場的人出來dislike。

M：所以其實自從旺角一夜之後，現在我已經不夠膽再發表，我覺得誰對誰錯……

麻：你心裡知道的。

 M：知道，但會拒絕去comment或者去發表自己的立場，因為真的好煩，有些人甚至寫到兩邊都不幫，只希望可以和平共處都會被人插。

麻：你可以忍得到不發表，即是你知道原來發表之後，接受不到之後會發生的後果，所以選不發表。但發表了又預料到會有這後果，預咗又點?所以我講完就算，不會follow up。

M：你唔會嬲？

麻：以前會嬲同爭辯，但你會發現好多人都係，你同佢講A時佢會講B，當你講B時跟住佢又去講C，唔會停。依家唔係玩黑白棋，我永遠都係黑色果隻棋，就必須要所有人一樣係黑色。其實係黑白棋，你係黑色，佢係白色，無所謂，黑同白，各有各生存方法。這是最終極的尊重，我無企圖改變任何人，所以講完就算，但有些人企圖改變其他人，所以講完唔會就咁算。 

M：有時social media帶來的負面情緒好容易pass on俾所有人。

麻：但反而我係諗，我份人一向都係咁，好硬頸，無人可以說服我，所以如果你一早知你同我立場唔啱，其實最好唔好follow。我發現有些人一邊鬧但又會唔覺意like我個page。

M：就等如好多人鍾意睇TVB但又不斷鬧劇集一樣，無分別，又要睇又要鬧，但唔睇又點鬧呢？

麻：你又啱，所以我覺得好好笑，呢班人有骨氣有底線，知道立場唔一樣就唔幫襯。始終，大有大家嘅思想，沒必要說服別人認同自己。
(M: 正如黎明大哥的Rap-鍾意就鍾意，唔鍾意就唔鍾意⋯ L-I-K-E⋯ 此乃大智慧)